A paz é o camiño...

Así ilustraron, con Pablo como guía, o poema "Irmáus" de Celso Emilio Ferreiro en 3º e 4º da ESO, dentro das actividades polo Día da Paz e a Non Violencia. Aquí o tedes:

Camiñan ao meu rente moitos homes.
Non os coñezo. Sonme estranos.
Pero tí, que te alcontras alá lonxe,
máis alá dos desertos e dos lagos,
máis alá das sabanas e das illas,
coma un irmáu che falo.
Si é túa a miña noite,
si choran os meus ollos o teu pranto,
si os nosos berros son igoales,
coma un irmáu che falo.
Anque as nosas palabras sean distintas,
e ti negro i eu branco,
si temos semellantes as feridas,
coma un irmáu che falo.
Por enriba de tódalas fronteiras,
por enriba de muros e valados,
si os nosos soños son igoales,
coma un irmáu che falo.
Común temos a patria,
común a loita, ambos.
A miña mau che dou,
coma un irmáu che falo.

Se che gusta o poema de Celso Emilio, xa sabes que na biblioteca tedes as súas obras!

As fotos dos traballos

(Clica en cada foto para agrandar)

Clubelé: a primeira charla literaria do curso.

Hai dúas semanas, os membros do Clubelé de 1º e 2º de ESO Berea, Helena, Alicia, Paula, Aglae, Sergio y Eugenio e os profesores Conchita, Paz, Pablo e Isabel comentamos o interesante relato Los reyes de la baraja, de María García González, alumna de 4º do noso instituto.

María estivo con nós e fixémoslle moitas preguntas sobre o proceso de composición do libro e sobre o seu xeito de escribir. Foi moi interesante porque nos contou os segredos dunha auténtica escritora e, comentando ademais as obras dos seus autores preferidos, animounos a ler outros libros.

María introduciunos con esta obra no misterioso mundo da novela policíaca e gracias a ela coñecimos a Sofía, unha intelixente policía novata, e a Carlos que...

Queres saber máis?
Pois busca o relato na biblioteca do instituto. Se o les, pasarás un rato inolvidable.

De preguntóns e demais

Contan que o dramaturgo heleno Esquilo, morreu a causa do impacto que lle proporcionou na cabeza un caparazón de tartaruga lanzado por un quebantaosos. Esta explicación sobre a súa morte pode entrar dentro da lenda pero, a vida deste ateniense, guerreiro loitador en batallas tan míticas como as de Maratón ou Salamina e verdadeiro pai do teatro grego, xa é unha lenda por se mesma. Na biblioteca están as súas obras.
Sabedes que a música era fundamental nas representacións teatrais gregas?

E que sería da música sen a súa antítese, o silencio? Pois xa tedes a resposta ao preguntón: tan importante é o son como a ausencia do mesmo na composicón musical!

Deixemos as cousas inmateriais e imos ao puramente material. O preguntón de economía estaba claro: o diñeiro de papel só ten valor nominal. Se queimades o voso non mermaría a riqueza do país pero...vos seguro que vades ser máis pobres!

(Mafalda tamén está na biblioteca!)

Outra vez tras a pista.

Ola! Xa nos tedes aquí de novo, dispostos a intentar picar a vosa curiosidade. Deches coa solución do misterioso preguntón de música? Aínda que curtiño, non é moi doado que digamos. Investigade pois que seguro que ao final dades coa solución.
E, que me decides do de grego?
Ah! Enlazando co mundo clásico, na biblioteca tedes un libro precioso que chegou hai pouco:

Metamorfosis de Ovidio. Ilustrado por Alan Lee, ben coñecido por traballos como Ulises e, sobre todo, por The Lord of The Rings. Se vos gusta a mitoloxía clásica, é unha ocasión inmellorable para adentrarvos nela: o caos, os deuses, as loitas entre eles, heroes...

Que disfrutedes!

Va de CÓMICS: De que cómic falamos?

Estes días esperamos que vos sumerxades un poco no mundo do cómic, tan amplo, variado e variable que da cabida a todo tipo de temáticas e modos de facer. No expositor do vestíbulo tedes unha pequena mostra que abranga varias épocas, temas e personaxes.

Se queredes participar no concurso, collede un cuestionario dos que están na exposición, contesta correctamente ás preguntas e deposítao na caixa correspondente. Lembrade que podedes facelo ata o 3 de maio e que o 7 do mesmo mes celebrarase no salón de actos o sorteo do premio entre os que teñan as respostas acertadas. Na exposición tedes pistas para poder resolver as cuestións e cada obxecto vai acompañado do nº da pregunta á que se refire.

E para que o teñades máis doado, nos enlaces tedes o cuestionario, por se preferides consultalo directamente no blog.

Consultade o apartado dos cómics da Biblioteca!!!

Xa sabedes: SORTE!!!

De "Namórate das palabras...e das imaxes", quásares e quasi estrelas

Vistos cun telescopio convencional os quásares semellan pequenas estrelas insignificantes pero, cando se lles observa cun radiotelescopio, a emisión enerxética que amosan e tan intensa que case é como se estiveramos ante unha galaxia. Ben, pois así parece que pasa con algunhas (e algúns) . Cando se vos da a oportunidade aparece o que hai no voso interior. Será polo tema do amor.
Noraboa aos gañadores do concurso NAMÓRATE DAS PALABRAS...E DAS IMAXES e seguide escribindo e debuxando. Xa sabedes, quen sabe...
No enlace tedes os nomes dos premiados e, se queredes seguir profundizando no tema amoroso, na Biblioteca hai material de abondo, tanto en palabra como en imaxe.
Ah! Se vos interesa a Astronomía... En fin, que vos pasedes pola Bilbioteca.

E xa están os premiados!

Tanto estar a voltas con Leonardo, a algúns se lles pegou iso do xenio e, se non, non tedes máis que mirar as puntuacións. Quen sabe se alguén de vos vaille coller tanto gusto a isto do saber que acabe sendo unha enciclopedia ambulante! Clica no enlace correspondente para ver os resultados.

NORABOA A TODOS POR PARTICIPAR E AOS PREMIADOS EN PARTICULAR!!!