Información para usuarios

A nosa biblioteca está integrada no programa Meiga.

Podedes acceder á biblioteca dende a vosa casa ou dende calquera sitio no que teñades acceso a internet. Clicade na pestana co título “Bilioteca do IES de Beade”. Neste sitio podedes consultar os fondos da biblioteca por título, autor, ISBN, etc. Así podedes saber si está o libro que necesitades, os libros que hai de determiñado autor, etc., no apartado de búsqueda correspondente. 

• Se vades buscar por autor lembrade que tedes que escribir primeiro o apelido e logo o nome.
• Se queredes buscar un título escribídeo sen o artigo inicial se o ten. Se ten preposición sí que tedes que escribila en primeiro lugar.
• Se buscades por ISBN (nº na contraportada do  interior do libro que o identifica) non vos esquecedes de escribir os guións.

Podedes facer comentarios, recomendar a compra de libros, películas, etc.

Observade que nos diferentes gadgets tedes enlaces de sitios interesantes relacionados cos libros e a lectura en xeral.

Esperamos ir mellorando pouco a pouco para que a biblioteca vos sexa máis útil cada vez.


NA BIBLIOTECA...

A C.D.U ou Clasificación Decimal Universal é un sistema que se artellou co fin de unificar criterios á hora de clasificar os libros por área ou materias. Os libros da nosa biblioteca xa estaban polo xeral colocados nos andeis seguindo esta clasificación numérica. 

Durante o presente curso empezamos a aplicar nas signaturas (os datos que aparecen na pegatina do lombo do libro, o texuelo), que serven para colocalos  nos andeis, un sistema máis acorde coa C.D.U. seguindo de xeito moi sinxelo a clasificación simplificada  para as  Bibliotecas Escolares de Galicia.

Aquí tedes unha imaxe do Cartel da C.D.U. simplificada:

 

Lembrade que nos andeis sempre están colocados os libros segundo o número máis AS TRES PRIMEIRAS LETRAS DO APELIDO DO AUTOR EN MAIÚSCULAS. Nos libros novos que teñen a signatura actualizada aparecen tamén as tres primeiras letras do título sen artigos e en minúsculas.

Xa coñecereces o cambio de ubicación de libros que fixemos. Intentamos tamén que a  colocación dos libros de literatura xuvenil estivese dun xeito máis apropiado para o grupo de idade d@s lector@s.

É mellor non recolocar o libro no seu lugar cando o devolvedes; deixádeo na mesa onde se  realiza o empréstito para que se coloque  de xeito apropiado e sempre estea localizado.

Non collades un libro sen notificalo pois hai que telo localizado en todo momento. Pensade en como reaccionariades vos se quiserades un libro e non se poidera localizar. Se nese momento non está @ bibliotecari@ pero sí @ profe de garda, enchede os papeliños que están na mesa de empréstitos poñendo o nº de rexistro do libro e o voso nº de lector. Se non hai ninguén tedes que coller o libro noutro momento. Na porta da Biblioteca está o horario coas horas nas que está aberta.

Descarga a GUÍA DE USO da nosa biblioteca pinchando AQUÍ.